शाही मृत्यु प्रकरण: फरार रहेका सुधार केन्द्रका संचालक ऐर पक्राउ

कैलालीको घोडाघोडी नगरपालिकामा रहेको सुधार केन्द्रमा मृत्यु भएका सुनिल शाही मृत्यु प्रकरणमा फरार रहेका संचालक रोशन ऐर पक्राउ परेका छन्।

शुक्रवार इलाका प्रहरी कार्यालय सुखडले ऐर लाई घोडाघोडी नगरपालिका १ स्थित उनकै घरबाट पक्राउ गरेको इलाका प्रहरी कार्यालय सुखडका प्रमुख प्रहरी नायव उपरीक्षक (डिएसपी) दीपेन्द्र कुमार पालले जानकारी दिए।।

घोडाघोडी नगरपालिकाको वडा नम्बर ४ मा रहेको सुधार केन्द्रमा मङ्गलवार राती घोडाघोडी नगरपालिका २ का २३ वर्षीय सुनिल शाहीको मृत्यु भएको थियो।

यस प्रकरणमा यस अघि नै समितिका संचालक सहित १६ जनालाई प्रहरीले नियन्त्रणमा लिई म्याद थप गरिसकेको छ भने ऐर फरार थिए।