सेती लोकमार्ग अन्तर्गत बौनिया-टिकापुर सडक खण्डका लागि ५० करोड विनियोजन  

रकम सुनिश्चित भए सँगै सेती लोक मार्गको टिकापुर-बौनिया सडक खण्डको स्तर उन्नतिको काम चालू आर्थिक वर्ष २०८०/०८१ बाट सुरु हुने भएको छ । भारतको सीमा क्षेत्र खक्रौला घाटबाट चीनको सीमा क्षेत्र ताक्लाकोट जोड्ने त्रिदेशीय यो सडक अन्तर्गत विगतमा टिकापुर-बौनिया खण्डको सर्भे हुन सकेको थिएन । निवर्तमान सङ्घीय सांसद झपटबहादुर रावलले आफ्नो कार्यकालमा कोरोना कहरका बिच यो खण्डलाई सर्भे गराएका थिए । उनैको सक्रियताले यो सडक खण्डले पूर्णता पाउने भएको छ ।