नगद ८ हजार घुससहित नेपाल प्रहरीका एक असई पक्राउ

बाँकेको प्रहरी चौकी खडैचामा कार्यरत प्रहरी सहायक निरीक्षक(असई) गजेन्द्रसिंह भण्डारी घुससहित पक्राउ परेका छन्।

 बैतडी घर भई बाँकेमा कार्यरत प्रहरी सहायक निरीक्षक भण्डारी नगद ८ घुससहित पक्राउ परेका हुन।

कृषि प्रयोजनको लागि ल्याएको युरिया मलसहित पक्राउ परेको मोटरसाइकल छुटाइदिने भन्दै ८ हजार घुस लिएको आरोपमा अख्तियार दुरुपयोग अनुसन्धान आयोगको टोलीले भण्डारीलाई पक्राउ गरेको हो।

उनलाई घुस लिइसकेको अवस्थामा उक्त रकमसहित प्रहरी चौकी खडैचाबाटै नियन्त्रणमा लिई थप अनुसन्धान भइरहेको अख्तियारले विज्ञप्तिमार्फत जनाएको छ ।