अलोकतान्त्रिक सरकार बाट भएको प्रतिनिधि सभा विघटन समेत अलोकतान्त्रिक र असंबैधानिक : नेता दाहाल

नेकपा एमालेका पोलिटब्युरो सदस्य देवेन्द्र दाहालले अहिलेको सरकार चुनाब गराउने पक्षमा नरहेको बताउनु भएको छ ।

सुरक्षा निकाय बाट खोसिएका हतियार, भागेगा अपराधीहरु खुलेआम बाहिर राखेर सरकारले कस्तो चुनाब गराउछ भनेर उहाले प्रश्न पनि गर्नु भएको छ । प्रेश चौतारीले झापाको दमकमा सोमबार गरेको भेटघाट कार्यक्रममा उहाले अहिलेको सरकारनै असम्बैधानिक रहेको दाबी गर्दै यस्तो सरकार बाट लोकतान्त्रिक तथा संबैधानिक प्रक्रियाको अपेक्षा पनि गर्न नसकिने भनाइ राख्नु भयो।

निवर्तमान भौतिक पुर्वाधार तथा यातायात मन्त्री समेत रहनु भएका नेता दाहालले अहिलेको सरकारले गठन गरेको छानबिन आयोगको समेत औचित्य र कानुनी आधार नरहेको उल्लेख गर्नु भयो ।

अलोकतान्त्रिक सरकार बाट भएको प्रतिनिधि सभा विघटन समेत अलोकतान्त्रिक र असंबैधानिक रहेकाले एमाले संसद पुनःस्थापनको माग सहित जनताको बीचमा गएको दहालले बताउनु भयो ।

अहिलेको राजनीतिक र संबैधानिक गतिरोधको अन्त्य संसद पुनःस्थापना बाटनै हुने समेत उहाको भनाइ छ । यो बिसयमा नेपाली कङ्रेसको अहिले सम्मको मौनता समेत आश्चर्यजनक रहेको उल्लेख गर्दै दहालले काङ्रेस पनि यो अजेण्डामा आउदै गरेको उहाले बताउनु भयो ।

जेन्जीले अघि सारेका माग समेत संसद पुनःस्थापना पछि गठन हुने सरकारले नै पूरा गर्ने उहाको दाबी छ । केपि नेतृत्वको सरकारले समेत सुशासनको पक्षमा दर्बिलो गरि काम गरि रहेको अवस्थामा जेन्जी आन्दोलनमा घुसपैठ गरि हिंशाको माध्यम बाट बिस्थापन गरिएको भन्दै सो क्रममा भएका आगजनी, हिंशा र तोडफोडमा सम्लग्न हरुको खोजी गरि कानुनी दायरामा ल्याउन ढिला गर्न नहुनेमा उहाँले जोड दिनु भयो ।

सो भेटमा एमाले केन्द्रिय सदस्य रोमनाथ ओलीले संसद पुनःस्थापनको पक्षमा जिल्लामा स शक्त रुपमा जनपरिचालन भइरहेको जानकारी दिनु भयो ।

प्रदेश सभा सदस्य होमबहादुर थापा, एमाले झापा उपाध्यक्ष शिव ढुंगेल, सचिब तुलसी कार्की, नगर अध्यक्ष राम पौडेल, अनेमसंघ अध्यक्ष लिला दाहाल लगायतको आतिथ्यता रहेको थियो ।