आगो निभाउन गएको काठमाडौं महानगरको दमकल दुर्घटना हुँदा ६ जना घाइते

काठमाण्डौ: चोभारस्थित जंगलमा लागेको आगो निभाउन गएको काठमाडौं महानगरको दमकल दुर्घटना हुँदा ६ जना घाइते भएका छन् ।

महानगरीय प्रहरी वृत्त कीर्तिपुरका प्रहरी नायब उपरीक्षक (डीएसपी) भुवनेश्वर साहले आगो निभाउन चोभार उक्लिने क्रममा दमकल पल्टिएको जानकारी दिए । शाहका अनुसार घटनामा तीन/तीन जना सशस्त्र प्रहरी र नगर प्रहरी घाइते भएका छन् ।

उनका अनुसार घाइतेहरुको बल्खुस्थित बयोधा अस्पतालमा उपचार भइरहेको छ । घाइतेहरुकाे अवस्था सामान्य रहेको प्रहरीले जनाएको छ ।