मंगलबार राष्ट्रिय सभा अध्यक्षको निर्वाचन हुने, आज प्रस्तावको सूचना दिने कार्यक्रम

काठमाडौं : राष्ट्रिय सभा अध्यक्ष पदको निर्वाचनका लागि संघीय संसद् सचिवालयले आइतबार निर्वाचन कार्यतालिका सार्वजनिक गरेको छ । सोशी अनुसार आज प्रस्तावको सूचना दिने कार्यक्रम तय गरेको हो ।

भोलि मंगलवार राष्ट्रिय सभा अध्यक्ष पदका लागि निर्वाचन हुने तालिका रहेको छ । त्यसका लागि अआज संघीय संसद् भवन, नयाँ बानेश्वरमा बिहान ११ देखि दिउँसो १ बजेसम्म प्रस्तावको सूचना दिने कार्यक्रम तय गरिएको संघीय संसद् सचिवालयका महासचिव पद्मप्रसाद पाण्डेयले जानकारी दिएका हुन । सोमबार साढे १ बजे दर्ता भएका प्रस्तावको सूचना प्रकाशित गर्ने र २९ गते दर्ता भएका प्रस्तावमा एक भन्दा बढी उम्मेदवार भएमा निर्णयार्थ प्रस्तुत गरिनेछ ।

त्यसका लागि राष्ट्रिय सभाको बैठक बिहान ११ बजेर ९ मिनेटमा तय भएको जनाइएको छ । सत्ता समीकरण फेरिएसँगै राष्ट्रिय सभा अध्यक्ष पदमा नेपाली कांग्रेस र नेकपा माओवादी केन्द्र आमनेसामने हुने भएका छन् । नेकपा माओवादी केन्द्रले नारायण दाहाललाई राष्ट्रिय सभा अध्यक्षको उम्मेदवार बनाउने निर्णय गरेको छ । भने, उता नेपाली कांग्रेसले युवराज शर्मालाई अघि सार्ने निर्णय गरेको छ । कांग्रेस संसदीय दलको कार्यसमितिको बैठकले लुम्बिनी प्रदेशबाट २०७८ मा राष्ट्रिय सभा सदस्यमा निर्वाचित शर्मालाई उम्मेदवार बनाउने निर्णय गरेको हो ।

५९ सदस्यीय राष्ट्रिय सभामा माओवादी केन्द्र सबैभन्दा ठुलो पार्टी बनेको छ । उसका उपाध्यक्षसहित १८ सांसद छन् । यस्तै, कांग्रेस १६ सिटसहित दोस्रो ठुलो दल हो । एमालेबाट १० जना सांसद रहेका छन् । एकीकृत समाजवादी ८, जसपा ३, लोसपाको पनि एक जना सांसद राष्ट्रिय सभामा छन् ।