न्यू स्टार इङ्लिश बोर्डिङ स्कुलले सरस्वती पुजाको दिन अक्षरारम्भ कार्यक्रम गर्ने

कैलालीको घोडाघोडीमा रहेको न्यू स्टार इङ्लिश बोर्डिङ स्कुलले वसन्त पञ्चमी (सरस्वती पुजा) को अवसर पारी उक्त दिन अक्षरारम्भ कार्यक्रम गर्ने भएको छ ।

‘शिक्षा र संस्कारको संगम’ आफ्नो मुख्य नारा बनाएको न्यू स्टार पछिल्लो समय गुरस्तरिय शिक्षा प्रदान गर्दै आएको छ । आफूलाई एक सक्षम शैक्षिक धरोहरका रूपमा उभ्याउन समय समयमा विभिन्न किसिमका कार्यक्रम गर्दै आएको छ । सोही अन्तर्गत सरस्वती पूजाको दिन पनि उसले विशेष छुटमा प्ले ग्रुप, नर्सरी, एल के जी, यु के जी का लागि बिहान १०:३० बजे देखि साँझ ४ बजेसम्म भर्ना अभियान गर्न अक्षरारम्भ कार्यक्रम गर्ने भएको हो ।

आफ्नै सुविधा सम्पन्न भवन भएको न्यू स्टारले बालबालिकालाई खेल्नका लागि चिल्ड्रेन पार्क समेत निर्माण गरेको छ । सुविधा सम्पन्न बालमैत्री कक्षा कोठा, उचित खेल मैदान, शान्त एबं मनोरम वातावरणमा आफ्नो स्कूलले शिक्षा प्रदान गर्दै आइरहेको सञ्चालक परशुराम भण्डारीले जानकारी दिएका छन् । स्कूलले विद्यार्थीलाई स्कुल ल्याउन र घर पुर्याउनको लागि आफ्नै बसहरू पनि सञ्चालन गरेको छ ।

वसन्त पञ्चमीलाई अक्षरको सुरुवात गर्ने दिनको रूपमा चिनिदै आएकाले उक्त दिनमा नै न्यू स्टारले पनि अक्षरारम्भ कार्यक्रम गर्न लागेको बताएको छ । सिर्जनशील शिक्षा प्रदान गर्नु आफूहरुको मुख्य जिम्मेवारी रहेको पनि सञ्चालक भण्डारीले जानकारी दिएका छन् ।