३ वर्षको काम १५ महिनामा चट पार्ने अनक कन्स्ट्रक्सन सम्मानित

३ वर्ष सम्झौता अवधि रहेको आयोजना १५ महिना मै सम्पन्न गर्ने अनक कन्स्ट्रक्सन कम्पनी प्रा.ली. काठमाण्डौलाई सम्मान गरिएको छ । बिहीबार पुल उद्घाटनको अवसरमा कैलालीको बर्दगोरिया गाउँपालिकाले सम्मान गर्दै कदर पत्र समेत प्रदान गरेको छ ।

धेरै काम गरेर नभई चाँडो काम सकेर फाइदामा जाने लक्ष्य आफ्नो भएको कन्स्ट्रक्सनले जनाएको छ । “आयोजनाहरू सम्झौता अवधि भन्दा अघि सक्ने र त्यो समय सम्मको बचेको स्टाफको तलब, बसाई खर्च, मेसिनहरूको भाडालाई हामी फाइदा मानेर काम गर्छौ । हामीले यहाँ १५ महिना अघि सिद्ध्यायौ यही नै हाम्रो नाफा हो ।”  अनक कन्स्ट्रक्सन कम्पनी प्रा.ली.काठमाण्डाकौका रामप्रसाद न्यौपानेले भने । उनले अघि थपे,… “मैले १०/१५ वटा पुल निर्माण गरे अहिले सम्म पुल बनाएको अनुभवमा यहाँको जत्ति सहयोग कतै पाएन । काम गर्दा धेरै अवरोध हुने, असहज परिस्थिति सृजना गरिदिने कामहरू हुन्थ्यो तर त्यो यहाँ भएन । तपाईँहरूको सहयोगले पुल चाँडो बनेको हो ।”