आईपीएल इतिहासकै मँहगो खेलाडी बने ऋषभ पन्त, २७ करोडमा लखनउले गर्यो अनुबन्ध

भारतीय क्रिकेट टोलीका विकेट किपर ब्याट्सम्यान ऋषभ पन्त इन्डियन प्रिमियर लिग (आईपीएल) क्रिकेट इतिहासकै सबैभन्दा महँगा खेलाडी बनेका छन् ।

सन् २०२५ को आईपीएलका लागि जारी अक्शनमा ऋषभलाई लखनउ सुपर जायन्ट्सले २७ करोड भारुमा टोलीमा अनुबन्ध गरेको हो । यसअघि दिल्ली क्यापिटल्समा रहेका ऋषभको न्यूनतम मूल्य २ करोड भारु रहेको थियो ।

यसअघिका सर्वाधिक मुल्य पाउने खेलाडीमा श्रेयस अय्यर रहेका थिए । यसै अक्सनमा अय्यरलाई पन्जाब किंग्सले २६ करोड ७५ लाख भारुमा अनुबन्ध गरेको थियो ।

यसअघि गत वर्ष कोलकाता नाइट राइडर्सल् मिचेल स्टार्कलाई २४ करोड ७५ लाख भारुमा अनुबन्ध गर्दा उनी सर्वाधिक महँगा खेलाडी बनेका थिए ।

१२ खेलाडीको अक्सन सकिँदा सर्वाधिक कम मुल्य पाउनेमा लियम लिविगंस्टोन रहेका छन् । लिविगंस्टोन ८ करोड ७५ लाखमा रोयल च्यालेन्जर्स बेङ्गलोरले अनुबन्ध गरेको छ ।