बर्दगोरियामा हुने फुटबल प्रतियोगितालाई गुरुकुलको साथ

कैलालीको बर्दगोरियामा यही मङ्सिर १३ गतेबाट सुरु हुने प्रथम मुख्यमन्त्री पालिका स्तरीय जिल्ला व्यापी फुटबल प्रतियोगितालाई लम्कीमा रहेको गुरुकुल अङ्ग्रेजी माध्यमिक विद्यालयले साथ दिने भएको छ । विद्यालयले प्रतियोगिताको विजेताले प्राप्त गर्ने नगद २ लाख १ हजार पुरस्कार राशि प्रायोजन गर्ने भएको छ ।

प्रायोजनका लागी शुक्रवार आयोजक बर्दगोरिया स्पोर्ट एन्ड इभेन्ट प्रा.लि.का अध्यक्ष प्रमोद मल्ल र सो विद्यालयका अध्यक्ष माधव थापाले सम्झौता पत्रमा हस्ताक्षर गरेका छन् । प्रतियोगितामा कैलाली जिल्लाभरिबाट प्रति पालिका बढीमा ३ टिमको सहभागिता गर्न सकिने आयोजकले जनाएको छ । यही कुरालाई आधार मान्य हो भने यो प्रतियोगितामा ३९ टिमको सहभागिता हुन सक्ने आकलन गर्न सकिन्छ । प्रतियोगिताको उप–विजेताले नगद १ लाख ५ हजार पुरस्कार प्राप्त गर्ने छन् ।