राति राति खाेलामा अवैध उत्खनन् गर्ने चार ट्याक्टर प्रहरीकाे नियन्त्रणमा

कैलालीको गोदावरी नगरपालिकामा पर्ने खुटिया खाेलामा अवैध रूपमा नदिजन्य वस्तु उत्खनन गरिरहेकाे अवस्थामा चार वटा ट्याक्टर प्रहरीले नियन्त्रणमा लिएकाे छ ।

मंगलबार राति सवा २ बजेकाे समयमा गोदावरी नगरपालिका-९ सेहरी र मुरकट्टी स्थित खुटिया खोलामा अवैध उत्खनन गरिरहेका ट्याक्टर इलाका प्रहरी कार्यालय मालाखेतीले नियन्त्रणमा लिएकाे हाे ।

ईप्रका मालाखेतीकाे प्रमुख प्रहरी नायब उपरीक्षक (डीएसपी) गणेश बरालले अवैध रूपमा ढुंगा र बालुवा चोरी गरिरहेको अवस्थामा ट्याक्टरलाई नियन्त्रणमा लिइएको बताए ।

उनका अनुसार भे १ त ६०२२, सु.प्र.प्र. ०१००२ त ५३१८, से १ त ७४९६, सु.प.प्र. ००२ त ५७६७ नम्बरको ट्याक्टर ईन्जन र ट्राली सहित र लु ५ त १३८७ नम्बरको ट्याक्टरको ट्राली मात्र नियन्त्रणमा लिइएकाे बताए ।

नियन्त्रणमा लिइएका ट्याक्टरमाथि अनुसन्धान गरेर आवश्यक कारवाही गरिने प्रहरीले जनाएकाे छ ।