घोडाघोडीकी उपमेयर गुलिया देखी कर्मचारीले अनुगमनको नाममा बुझे मनलाग्दी भत्ता, असुल गर्न महालेखाको निर्देशन

अर्थ मन्त्रालयको कार्यसंचालन निर्देशिका २०७७ मा अनुगमन भ्रमण टोली खटाउनु परेमा कामसँग प्रत्यक्ष सम्बन्धित कर्मचारी खटाउनु पर्ने र त्यसरी कर्मचारी खटाउँदा बढीमा ३ जनाको टोली खटाउनु पर्ने व्यवस्था रहेको छ । तर नगरपालिकाले एक पटकमा ९ जनासम्म विषय विज्ञ नभएका कर्मचारी र पालिकाबाट सवारी साधन र इन्धन सुविधा प्राप्त गरेका तथा पदाधिकारीहरूलाई समेत अनुगमन भत्ता भुक्तानी गरेको पाइएको महालेखा परीक्षकको कार्यालयले सार्वजनिक गरेको प्रतिवेदनमा उल्लेख छ । यसरी मनलाग्दी बाडीएको १ लाख ९ हजार ३ सय ९५ भत्ता सम्बन्धित व्यक्तिहरू बाट असुल गर्न महालेखाले निर्देशन गरेको छ ।