लेडी जेसिज लम्कीले मनायो तिज कार्यक्रम 

कैलालीको लम्कीमा रहेको लेडी जेसिजले तिजको शुभकामना आदानप्रदान कार्यक्रम सम्पन्न गरेको छ । लम्की लेडी जेसिज वर्ष २०२३ की अध्यक्ष हेमा रेग्मी पौडेलको अध्यक्षतामा भएको कार्यक्रममा प्रमुख अतिथि लम्कीचुहा नगरपालिकाकी प्रमुख सुशीला शाही र विशिष्ट अतिथि उप–प्रमुख जुना चौधरी रहेकी थिइन । 

हरितालिका तीज नजिकिँदै गर्दा महिलाहरूमा आपसी सद्भाव कायम गर्दै समाजको सकारात्मक रूपान्तरणका लागी कार्यक्रम आयोजना गरिएको लेडी जेसिज अध्यक्ष रेग्मी पौडेलले बताइन । कार्यक्रममा बोल्दै प्रमुख अतिथि शाहीले तिज हिन्दु नारीहरूको महत्त्वपूर्ण चाड भएको भन्दै यसलाई रमाउने माध्यम मात्र नबनाई संस्कृति संरक्षण गर्दै पुस्तान्तरणमा पनि ध्यान दिनु पर्ने बताइन ।