इप्रका मालाखेतीले मनायो लागुऔषध दुरुपयोग तथा अवैध ओसारपसार विरुद्धको अन्तराष्ट्रिय दिवस

इलाका प्रहरी कार्यालय मालाखेतीले लागुऔषध दुरुपयोग तथा अवैध ओसारपसार विरुद्धको अन्तराष्ट्रिय दिवस मनाएको छ ।

बुधवार सुदूरपश्चिम प्रदेश सभा सदस्य तुलसी देवकोटाको आतिथ्यमा उग्रतारा सुधार केन्द्र अत्तरियाको सहकार्यमा “लागु औषध दुरुपयोग विरुद्ध लडौँ, रोकथाममा जोड दियौ” भन्ने मुल नाराका साथ अत्तरिया चोक परिक्रमा गरी नमस्ते पार्टी प्यालेसमा सम्पन्न भएको छ। र्‍यालीमा विभिन्न विद्यालयका विद्यार्थी, शिक्षक, समाजसेवी, बुद्धिजीवी, पत्रकार लगायतको सहभागिता रहेको थियो।

कार्यक्रममा इलाका प्रहरी कार्यालय मालाखेतीका प्रमुख डिएसपी गंगा बहादुर थापाले लागुऔषध दुर्व्यसनीको असर तथा यसबाट जोगिने बारे प्रशिक्षण गरेका थिए।